Bəşəriyyətin qanlı faciəsi- Xocalı soyqırımına həsr olunmuş tədbir keçirilmişdir.
Qəbələ Turizm və Otelçilik üzrə Peşə Tədris Mərkəzində Xocalı Soyqırımının 23-cü ildönümünə həsr olunmuş anım mərasimi keçirilmişdir.
Əvvəlcə tədbir iştirakçıları Xocalı faciəsində şəhid olmuş soydaşlarımızın xatirəsini bir dəqiqəlik sükutla yad etmişlər.Sonra ermənilərin uzun illərdən bəri azərbaycanda törətdikləri cinayətlərin ən dəhşətlisi olan Xocalı qətliamına dair məruzə dinlənilmişdir. Məruzəçi qanlı gecədə törədilmiş faciə nəticəsində şəhid olanlar, itkin düşənlər , girov götürülənlər barədə ətraflı məlumat vermiş, soyqırım qurbanlarının əziz xatirəsinin heç vaxt qəlblərdən silinməyəcəyini bildirmişdir. Natiq çıxışında ölkə prezidenti , ali baş komandan cənab İlham Əliyevin yorulmaz əməyi nəticəsində itirilmiş torpaqlarımızın geri qaytarılacağını, ermənilər tərəfindən qətlə yetirilmiş soydaşlarımızın qanının yerdə qalmayacağını qeyd etmişdir.
Tədbirdə çıxış edənlər Azərbaycan xalqına qarşı törədilmiş bu dəhşətli soyqırımı pisləyərək, qətliamın günahkarlarının cəzalandırılacağı günün uzaqda olmadığını vurğulamış, həmin anı səbirsizliklə gözlədiklərini bildirmişlər.
