Şriftin ölçüsü :

Saytın rəngi :

İcra Hakimiyyəti
Qaynar xətt: (+994 24)205-01-02 : 205-19-55

Rayon icra hakimiyyəti başçısının səyyar görüş-qəbulu keçirilmişdir.

16 iyul 2014 | 03:00

Qəbələ Rayon İcra Hakimiyyətinin başçısı cənab Səbuhi Abdullayevin rayonun Topbağ kənd sakinləri ilə görüş-qəbulu keçirilmişdir. Görüşdə  idarə, təşkilat, müəssisələrin və hüquq mühafizə orqanlarının rəhbərləri iştirak etmişlər.
Ölkə başçısının qayğısı və rəhbərliyi ilə  respublikaının hər yerində, eləcə də Qəbələ rayonunda  həyata keçirilən sosial-iqtisadi inkişaf barədə kənd sakinlərinə ətraflı məlumat verən cənab Səbuhi Abdullayev görülən bütün işlərin insan kapitalına xidmət etdiyini  diqqətə çatdırmışdır. Görüş-qəbulda çıxış  edən kənd inzibati ərazi nümayəndəsi Rasim Ağayev kəndin sosial-iqtisadi vəziyyəti barədə məlumat vermişdir.
Bildirilmişdir ki, ərazidə  120 ailə təsərrüfatında 560 nəfər əhali yaşayır. Əhalinin əsas məşğuliyyəti əkinçilik, meyvəçilik, heyvandarlıq və bağçılıq təşkil edir. Kənd sakinlərdən İradə Şirinova və Fənarə Alışanova çıxış edərək, kənddə yaraşıqlı, müasir tələblərə cavab verən məktəb binasının və tibb məntəqəsinin tikintisinə görə öz minnətdarlıqlarını ifadə etmişlər. Səyyar qəbulda kənd sakinləri adından çıxış edən Qüdrət Məmmədov əraziyə qaz xəttinin çəkilməsini və kənd arası yolların təmir edilməsinin vacibliyini bildirərək köməklik edilməsini xahiş etdi. Görüş-qəbulda vətəndaşları narahat edən məsələlərlə əlaqədar müvafiq təşkilatların rəhbərlərinə rayon icra hakimiyyəti başçısı tərəfindən zəruri tapşırıqlar verildi.
Qəbul iştirakçılarının diqqətinə çatdırılmışdır ki, regionların sosial-İqtisadi inkişafı Dövlət Proqramın uyğun olaraq bütün respublikamızda olduğu kimi, rayonumuzun şəhər, qəsəbə və kəndlərində məqsədyönlü şəkildə  mühüm işlər görülür. Qeyd olunmuşdur ki, bütün bu  işlər tam olaraq əhalinin sosial-rifah halının yaxşılaşdırılmasına yönəldilmişdir. Uğurlu inkişaf bundan sonra da davam edəcəkdir. 
Səyyar qəbulda  kənd sakinləri qarşılaşdıqları məsələlərin həlli istiqamətində RİH başçısı tərəfindən verilən tapşırıqlara görə razılıqlarını ifadə etmişlər.
Görüş-qəbulda  Azərbaycan Respublikası Prezident Administrasiyasının məsul işçisi Əflatun Rufiyev iştirak etmişdir.

Keçidlər