Azərbaycan Ordusunun həyata keçirdiyi əks tədbirlər nəticəsində düşmənə layiqli cavab verilib.
Öz mənfur niyyəti ilə həmişə demokratik ruhlu insanların nifrətini qazanan Ermənistan bu dəfə də əsl simasını nümayiş etdirdi. 12 İyul 2020-ci il tarixində Ermənistanın işğalçı silahlı qüvvələri artilleriya atəşindən istifadə edərək Azərbaycan-Ermənistan dövlət sərhəddinin Tovuz rayonu istiqamətində mövqelərimizi ələ keçirməyə cəhd göstərmişlər. Lakin şanlı Azərbaycan ordusunun həyata keçirdiyi əks- tədbirlər nəticəsində Ermənistanın Tavuş rayonundan törədilən təxribata layiqli cavab verilmişdir. Azərbaycanın beynəlxalq mövqelərinin daha da güclənməsi,ölkəmizin diplomatik uğurları siyasətdən uzaq, ancaq məkrli oyunlarla məşğul olan düşməni ciddi narahat edir.Bütün dünyanı bürüyən pandemiya dövründə Azərbaycanımızın, siyasi uzaqgörənliyi ilə seçilən Prezidentimizin qətiyyətli addımları mənfur düşməni narahat etməyə bilməzdi. Bu gün cənab İlham Əliyev beynəlxalq rəqəmsal diplomatiyanın təşəbbüskarı kimi, dünyanın siyasi arenasında diplomatik bacarıqları ilə seçilən güclü dövlət rəhbəri kimi diqqət mərkəzindədir.Azərbaycanın təşəbbüsü ilə BMT Baş Assambleyasının xüsusi iclasının keçirilməsi barədə qərar qəbul edilməsi erməni lobbisini ciddi narahat etdi. Azərbaycanın beynəlxalq mövqeyi onsuz da səriştəsiz idarəçiliyilə xalqın etimadını itirən Paşinyan hakimiyyətini qeyri leqal yollara əl atmağa məcbur etdi. O, müxalifəti tərk-silah etmək üçün xarici düşmən mövzusunu qabartdı. Lakin siyasətdən xəbəri olmayan bu hakimiyyət güclü Azərbaycan ordusunun qarşısında olmayan nüfuzunu tamamilə itirəcəyini fikirləşmədi ( buna düşüncəsi də çatmır). O unutdu ki, Azərbaycanın qəhrəman övladları öz qanı bahasına torpağının hər qarışını qoruyur.Tarixə Aprel döyüşlərini yazan igid əsgərlərimiz bir daha öz vətənpərvərliklərini nümayiş etdirdilər. Qəhrəmancasına döyüşən ordumuz şəhidlər verdi. Paşinyan hökuməti Azərbaycanla sərhəddə atəşkəsi pozaraq son zamanlarda ona qarşı revanş alan siyasi müxalifətin fəaliyyətini məhdudlaşdırmağa, Azərbaycanın düşmən obrazını qabardaraq erməni xalqını həmrəyliyə dəvət etməyə səy göstərir. Lakin bütün bunlara baxmayaraq xalqımız torpaqlarımızın azad olunması üçün hərbi əməliyyatlara tam dəstək ifadə edirlər.Cənab prezidentin Təhlükəsizlik Şurasının iclasında etdiyi çıxış hər birimizə yüksək vətənpərvərlik ruhu verdi. “Ermənistan əsgərləri bir santimetr belə Azərbaycan torpağına keçə bilməyiblər".Bu gün hər bir azərbaycanlı torpaqlarımızın tezliklə azad olunacağına inanır.Şəhidlərimizin qanı yerdə qalmayacaq. Növbəti döyüş paşiniyanların sonu olacaq. Ali Baş komandan İlham Əliyevin rəhbərliyi ilə ordumuz daha böyük qəhrəmanlıqlar nümayiş etdirəcək, şəhidlərimizin qanı yerdə qalmayacaq,torpaqlarımız azad olunacaq.
