Qəbələdə X Beynəlxalq Musiqi Festivalı ilk konsertini tamaşaçılara təqdim edib.
01 avqust 2018 | 04:00
Heydər Əliyev Fondunun təşkilatçılığı və “Gilan Holding”in dəstəyi ilə keçirilən Qəbələ X Beynəlxalq Musiqi Festivalı iyulun 30-da ilk konsertini tamaşaçılara təqdim edib. “Gənclərə dəstək” layihəsi çərçivəsində saat 18:00-da Heydər Əliyev Konqres Mərkəzinin zalında təşkil olunan kamera konsertində gənc pianoçuların və musiqiçilərin ifasında Azərbaycanın və xarici ölkə bəstəkarlarının əsərləri səsləndirilib. Avqustun 8-dək davam edəcək festivalda Azərbaycanın tanınmış musiqi kollektivlərinin, bir sıra xarici ölkələrin musiqiçilərinin, kamera və simfonik orkestrlərinin, məşhur solistlərin və dirijorların iştirakı nəzərdə tutulub.
Keçidlər
